اتصل ب0900 تكسب جوايز من الي هي...............

مكالمة تخليك صاحب اموال وتحللك مشاكلك

يابلاش

لاحظنا في الفترة الأخيرة زيادة المسابقات من النوع دا

كل مانفتح التلفزيون او الراديو نلاقي ال0900 واتصل وجاوب تكسب

الجائزة الرابعة 5000جنيه

الجائزة التالتة10000جنيه

ا لجائزة التانية 20000جنيه

ا لجائزة الاولى مفاجاةعربــــــــــــيـــــــــــــة

و كل ما اتصالاتك تكترفرصتك فالفوز تكبر........
طبعا انا مش بعلن عن مسابقة ده نموذج من نماذج كتيرووسيلة من وسائل النصب الحديثة لا وايه عيني عينك كداوالناس الغلابة تصدق الناس الي ممكن يكون اعلى جهاز فبيتهم هو التلفزيون او التليفون

ويتصلوا ويقولوا يمكن نكسب والدقيقة مش اقل من جنيه ونصف

وطبعا الرد الالي بيطول وتلاقيهم بيرغوا ويرغواواقلها تبقا مدةالمكالمة10دقايق

وادفع يا غلبان

دي المسابقات الي طبعا كلها نصب

نيجي على نوع تاني من المسابقات

المسابقات الي معظمها نصب بس يعني بيكسبوا واحد فالمليون لحفظ ماء الوجه يعني وكمان عشان ميكشفوش بسرعة

طبعا عدد كبير بيتصل وطبعا الي منظمين المسابقة ليهم نسبة بياخدوها من شركة الاتصالات

و مش اي نسبة طبعاوناس كتير تتصل والي تيجي معاه بيكسب حاجة كدا زي نظام المقامرة او القرعة

يعني بيدونا السم فالعسل بيصورولنا انهاحاجة عادية طبعا واحنا مش فاهمين ان حتى الي بيكسب بتعتبر فلوسه حرام

يعني حاجة باينة مش محتاجة تفكير انا مش بفتي طبعا والله اعلم

بس لو فكرنا فيها هنلاقيها كدا فعلا تفرق ايه عن الي بيدفع فلوسه فالقمار

ويستنا انه تيجي معاه رمية ويكسب احنا بقا بندفع فلوسنا على هيئة مكالمات واتصالات اوهام بنعيشها

لو بصينالها من ناحية تانيةانت قاعد وعملت مكالمات وجتلك فلوس عالجاهز من غير اي مجهود

والله اعلم الفلوس دي جاية منين

ازاي بقا يبقا ده حلال ولا احنا بقينا نحلل ونحرم على مزاجنا وزي ما اهوائنا تاخدنا

لا وكله ومسابقات الحج والعمرة دي حاجة تحرق الدم يعني حتى فراءض ديننا بيتاجروا بيهاوالانسان الي نفسه يأدي

الحج ويكمل الفرائض يلعبوا بيه وبحلمه

ومفيش اي خجل ولاخوف من ربنا انهم يتاجروا بالحج والعمرةالمفروض ان دي فرائض الاسلام

وان المفروض كمان ان دي منطقة منقربش منها باي طريقة مبتذلة لكن للاسف

المادة بقت مسيطرة عالحياة بطريقة غريبة وبقت كل حاجة وبقا سبق كل الناس بتجري فيه

وكل واحد بيحاول يلم اكتر مهماكانت الطريقة طبعا مش كل الناس في ناس كتير لسة فيها خير بس المعظم بقا كده او

على الاقل الي ليهم صوت وكلمة مسموعة احنا فعلا عايشين فالزمن ده برحمة ربنا

ياريت نفوق بقا هما بس الي كسبانين من كل

داو نبطل نمشي ورا الاوهام ونصدق ناس كل مهتهم انهم يضحكوا على عقولنا

ويمصوا دمناواكيد احنا وحياتنا واولادنا اولى بكل مليم بياخدوه بدون وجه حق

واظن ان عقولنا لازم تكون اكبر من كدا ونبطل نجري ورا الاوهام