مش دايما العيد فرحة
بعد مرور سنة
بكتب تاني
عن العيد
السنة الي فاتت قلت هو العيد فرحة ؟؟
كنت بقول ياريت نفرح ونعرف نحس بالعيد
مفيش حد معندوش مشاكل واكيد العيد الي فات برضه كان عندي مشاكل
لكن رغم كده كنت بحاول(أعيد)يعني أحس بالعيد وأعيشه ونفسي كل الناس تعمل كده
ومكنتش عارفة ان فيه حاجة ممكن تحصل تخليني محسش بالعيد
صليت العيد نزلت وخرجت وعملت كل الي بعمله كل عيد
لكن المرة دي الاحساس مختلف
مزيج رهيب من الشوق والانتظار والحزن
شوق ليك وانتظار لمكالمة منك
حزن لاني مش عارفة امتا هسمع صوتك امتا هطمن عليك
مش هقلك انك مش معايا انت جوايا بس مش جنبي مش قادرة اطمن عليك
ومخبيش عليك خايفة خايفة اوي
خايفة تنساني خايفة تشوف حد تاني
بس الي تاعبني اكتر شوقي وتعبي الي مش قاردة استحمله
20 يوم ياحبيبي 20 يوم وانا معرفش عنك حاجة
اول عيد يعدي من غير ماأعيد عليك
من غير ماأقلك كل سنة وانت طيب
كان عندي أمل كبير انك تعيد عليا
انك متخليش العيد يعدي علينا وقلوبنا بتبكي
الناس كلها فرحانة وانامش قادرة احس الفرحة
امتا امتا هسمع صوتك او حتى اعرف عنك اي خبر
وحشتني وحشتني اوي ياحبيبي ياعمري ونور عيوني
يارب يرجعلك ليا بسرعة ياعمري يانور عينيا
ارجع بقا تعبت محتاجة ياحبي ليك
مرسلة بواسطة اسيرة الفارس في
الاثنين, سبتمبر 21, 2009
|
0 تعليقات
