ضحك ولعب وجد وحب
ايوة قالها عبد الحليم
اد ايه حبيت الاغنية دي
وكنت اما اسمعها بحس بنشوة وحماسة وحاجات كتير تتلخص في ضحك ولعب وجد وحب
هو قال ضحك شوية ولعب شوية وجد شوية وحب كتير
بس انا بقا طماعة حبيت كل ده يكون كتير كتير
الضحك كتير واللعب كتير والجد كتير وكل ده يتغلف بالحب الكبير
اخيرا قدرت اعيش معنى الجملة عشتهاوحستها اوي
كنت الاول اما بحسها بتكون كل حاجة لوحدها
ماهو يانضحك يا نلعب يانبقا بنتكلم جد يا نحب
بس اول امبارح كان يوم مختلف
كل ده حصل فوقت واحد
كل ده حسيت بيه مع بعضه
يااااااه ياما حلمت بده
ياما حلمت اعيش كل مراحل عمري مع حبيبي
طفولتي وشقاوتي ولعبي وتنطيطي
مراهقتي ورومانسيتي وسهري الليل معاه
نضجي ومسئوليتي وتعبي وارهاقي وهو جنبي
شيخوختي وشعري الابيض وعكازي الي ملوش لازمة لان هو سندي
بحلم اعيش ده اوي وان شاء الله بدعي ربنا اني اعيشه معاه
بس مرحلة الطفولة راحت
ازاي بقا اقدر اعيشها معاه
كنت بحلم اعيشها وعشتها
حسيت معاه اني طفلة عندي مش اكتر من 7 سنين وانه نزل لعمري وبقا ادي
ضحكنا ولعبنا وجرينا واتنططنا في الشارع
والناس بتبصلنا مهمناش نظراتهم
مهمناش هما هيقولوا علينا ايه
طول عمرنا بنعمل حسابهم بس كنا محتاجين يوم نعيشه سوا نحس اننا فالعالم لوحدنا
يوم منعملش فيه حساب الا لمشاعرنا وحبنا وبس
نمشي وراها ونطلع كل الي جوانا ونجري ونلعب ونضحك ونرجع اطفال صغيرة
نضحك ونهزر نلعب ونجري نتكلم جد ونتناقش ونقول بحبك
رغم اني عشت معاه ايام كتيرة سعيدة والحمدلله
وايام برضه زعل
وايام فيها زعل وفرح وحب
بس ده كان اسعد يوم فحياتي
ويااااااه لو يتكرر ولو كل فترة
احساس متخيلتش انه هيكون بالشكل ده
احساس مش طبيعي غريب جميل نقي طاهر اوي
يااااااه احساس نفسي اعيشه كتييييييير اووووووووووي
بحبك وهفضل طول عمري بحبك وعايشة معاك الي محدش عاشه
وعايزة اقلك بشكرك بشكرك على كل لحظة سعادة بتوهبهالي يا اغلى غالي
بـــــــــحـــــــبـكــــ ربنا يخليك ليا
مرسلة بواسطة اسيرة الفارس في
الجمعة, أبريل 10, 2009
|
0 تعليقات
