اه يا زمن رخصت فيه البشر
وقع الصخر فوق البشر
صرخوا وقالوا يا عالم الحقونا الصخر هيقع فوقينا ولانهم غلابة لاحد سمعهم ولا عبرهم
ولانهم معندهمش مكان تاني فضلوا ينادوا وقعدوا مستنيين الفرج وطبعا كالعادة ولا حد عملهم حاجة
وبعد ما وقع الصخر عليهم وخدارواحهم الي بقي منهم قاعدين فالشارع ولاحد اتحرك وشافلهم مأوى
ولو شجرة اتهزت هزة زيادة جنب بيت مسئول كانت الدنيا قامت وقعدت وفثانية تمام يا باشا
تم ازالة الشجرة
لاحول ولا قوة الا بالله
صرخوا وقالوا يا عالم الحقونا الصخر هيقع فوقينا ولانهم غلابة لاحد سمعهم ولا عبرهم
ولانهم معندهمش مكان تاني فضلوا ينادوا وقعدوا مستنيين الفرج وطبعا كالعادة ولا حد عملهم حاجة
وبعد ما وقع الصخر عليهم وخدارواحهم الي بقي منهم قاعدين فالشارع ولاحد اتحرك وشافلهم مأوى
ولو شجرة اتهزت هزة زيادة جنب بيت مسئول كانت الدنيا قامت وقعدت وفثانية تمام يا باشا
تم ازالة الشجرة
لاحول ولا قوة الا بالله
مرسلة بواسطة اسيرة الفارس في
السبت, سبتمبر 13, 2008
2 تعليقات:
بس خلينا نبص للجانب الايجابى فالموضوع .
خلينا نبص لنص الكوبايه المليان .
الناس دول جاتلهم شقق .. الناس اللى كانو ساكنين فالعشوائيات فجأه ظهرلهم من تحت الارض شقق يعرفو يعيشو فيها زى البنيادمين ومن غير اى مقابل (أصل أرواحهم متعتبرش مقابل) .
خلاص بقى ننسى اللى حصل .. وننسى ان سبب الكارثه ان الناس دى كانت عايشه فحاجه اسمها عشوائيات .. ننسى ان العشوائيات دى عباره عن عشش فراخ مش اكتر .. نسى ان الكارثه نفسها اثبتت ان كل دا كان من غير سبب .. وان الشقق موجوده .. مفيش اكتر منها .. وان الدوله لما تحب تعمل حاجه بتعملها .. وان العشوائيات حتفضل موجوده فكل مكان ومعرضه لاى كارثه تانيه .. وننسى الناس اللى ماتو . والاطفال .. والشيوخ .. وننسى المسئول الكبير اللى عايش حياته ففيلا كانت تلم اد كل الناس دول مرتين .. ننسى المراره اللى بنحس بيها لما نسمع ان الدوله مشكوره وفرت شقق كتير ونسال نفسنا طب والشقق دى كانت فين من الاول .. ننسى الاجابه اللى بتدبحنا وتقلنا اصل الدوله معملتش كدا عشان خاطر الغلابه دول لا يا ذكى الدوله عملت كدا عشان خاطر تحفظ ماء وجهها مش أكتر .
ننسى كل دا ونبص لنص الكوبايه المليان ونفتكر بس ميزة الكارثه دى :
نفتكر ان الناس دى دلواتى بتدعى وتقول يا رب :
يا رب كتر كوارث العشوائيات .
اللى بيموتو بيرتاحو من العيشه اللى كانو عايشنها .
واللى بيعيشو بيرتاحو من العيشه اللى كانو عيشينها .
ولان كل حاجه حلوه ليها مساوئ احنا ابلين يا رب ترمل نساءنا وتيتم اطفالنا وتدبحنا كلنا بسكينة الدوله مش حنعترض على كل اللى تامر بيه لحد ميجى حكمك عالظالم واللى عمل فينا كدا .
انتى بتكلمى عن زمن رخصوا فيه البشر لكن اسمحيلى انا بتكلم عن زمن :
البشر فيه ملهمش تمن .
ويا سلام على حلاوة الحياة مفيش فيها اي مشاكل
وما اجمل العشوائيات
وما اجمل ان ننسى
وما اجمل ان نموت مقابل ان لو فضل منا حد
ياخدله شقة ويعيش كويس
ويا ترى بقا الشقة دي ملك ولا ايجار جديد مش هنلاقي ندفعه
ولا انتفاع نطرد منه بعد كام سنة
يلا اي حاجة كويسة
وكل حاجة ممكن تتحل
مهي الحياة حلوة
وعجبي.......
إرسال تعليق
الاشتراك في تعليقات الرسالة [Atom]
<< الصفحة الرئيسية